Men öktemmen
(Umukürsünnü tilinden)
Men öktemmen, öktemmen! Öktemligim bulan netmen men? Geme töşlü geri alaşam bar çaqı Gemeler ağıp getse, getmen men. (Qazaq yırdan)
Ulanın maqtamaq qumuqlarda ayıp zat. Erin çi ölgen soñ maqtap da yibere. Ulanımnı da maqtamasam yaray edi, ol yañız meniki bolup toqtağan edi busa. Ol yañız meniki bolğan edi busa, üyde töşekde yatıp öler edi.
Gülle onu eki de al tişinden tiyip, yelkesinden çıqhan edi. Duşmanğa sıpatın şonça da bek tutup ölgen ulan bar sağa o.
Duşmanlar onu awzunu içine urmaqlıqnı köp ullu maʼnası bar. Duşman bolğan bulan da olar onça haqılsız bolmağan.
Qayırmas. Yaman çı bar edi: atası da, ulanı da toğas tüpde ölgen edi busa.
Men ulanımnı gömgen gün aq qazaqlar ulanımnı atasın öltürgen gün edi. Ulanıma qazılğan qaburğa onu atası gömülmege tüşdü.
Yara saw bola turağanda bek qıçıta. Şonu sıypay tursa yürekge tamaşa bir yallıq bola. Ulanın da, onu atasın da duşmanlar öltürmeklik anasına ullu yara tügülmü? Gerti onu tamğası qalğan. Tamğası da tayar yimik olay giççi yara tügül edi çi dağı o.
Şoğar göre şo esgi yaranı sıypay turağan küyüm bola. Ayıp etmegiz, yaşlar, yanğan söyler, yağındağı tıñlar dey.