Mutaallimlikni✻ edepleri
Arapçanı sarfı✻ bulan nahwusu✻ – «läm yadrab», «lä tansar»-dan✻ ibarat✻ dep bilmegiz. Arapça sarf, nahwunu qaydalarını yanına biraz Bayan✻, Maʼan✻, ham da Lüğat arabya✻ bilmek borç dep inanığız.
Arapça sarf, nahwu bilmekni paydası – «inna» bulan «anna»-ğa✻ altı türlü iʼlal✻ oxup biliw dep xıyal etmegiz. Balki, har türlü kitaplanı tuwra oxup añlamağa, özüñ süygen zatnı arapça yazmağa, ham da arapça söylep bilmege tiyişli dep biligiz. Muna, «Uçitiliskiy işkolada»✻ orusça sarf, nahwu oxuyğan ulanlar bulan, «As-sinat şarqıya» maktabında✻ arapça oxuğan mutaallimler – şolay bolalar.
İlmunu – kitap qarap, ixtilaflanı✻ tüntümekden✻ ibarat dep bilmegiz. Balki, köp masʼalälanı añlap, ayırıp, açıq etip bermekden ibarat dep biligiz.
Üyrengen ilmuğuz bulan milletni taʼlim-tarbiyasına qulluq etmekni özügüzge borç dep biligiz.
Warasat ul-anbiyaʼ (payğambarlanı warisleri) bolmaq uçun, aba bulan çalma busa tamanlıq ete dep bilmegiz.
«Hal yastawa alläzina yaʼlämuna wa lläzina lä yaʼlamuna»-nı maʼnasın✻ başğalağa da añlatmağa qast etigiz. Allahu Taalä har qaysıbızğa da tüzelmekni, oñarılmaqnı nasip etsin!
Bitdi.
N. Batırmurzayewni «Yañı tarbiya» degen asarın arap yazıwdan (acamçadan) kiril yazıwğa transliterasya etgen wa tekstlege bayanlıqlar yazıp hazirlegen – Hasan Orazayew