Xalq bulanğı edepler
Yaşlarığızğa wa qulluqçularığızğa qonaqlanı aldında yada yat gişileni yağında uruşmağız.
Özügüznü qonaqlıqğa çaqırğanda, yaşlarığıznı iyertip barmağız. Özügüzge qonaq gelgende yaşlarığıznı maclisde olturtmağız. Qonaqğa yada yat gişige – üy içigizdegi rahatsızlıqdan, qulluqçularığızdan känt etmegiz.
Qulluqçularığızğa qulluq buyurağanda, yumşaq✻, tatli sözler söylegiz. Alağa sögüşüp, qattı söylep payda eterbiz dep xıyal etmegiz. Qulluqçu degende gertiley de özügüzge qul dep oylamağız. Alanı da canı, yüregi bar ikenin✻ unutmağız.
Tabi atığızğa ariw görünmegen har zat uçun açuwlanmağız. Yoq busa✻, bek tez qartayırsız. Doslarığızğa, üy-ahluğuzğa✻ özügüznü süydürügüz, busa da güç bulan tügül – ariw qılıq, yaxşı xasiyat bulan.
Heç bir zamanda da maqtanmağız, sizin xalq maqtasın. Hünerigizni, [adamlığı]ğıznı söz bulan añlatmağız, iş bulan görsetigiz, har gişi öz gözü bulan görsün.
Paqırlanı barısı da ahmaq, baylanı barısı da haqıllı bola dep añlatmağız.
Gişiden oxumağa kitap alsağız, zamanında qaytarıp berigiz. Gişini kitabın bek ariw saqlağız.
Getgen zamanda✻ bulay yaxşılıq etgen edim dep, andan laqır etmegiz.
Dosluqğa inanıp, gişini malına qol sozmağız✻.
«Dinli boluğuz» yada «malnı yaxşı tutup saqlağız» dep gişige bek köp nasihat etmegiz. Artıq haqılığız bosa, özügüz uçun saqlağız, balki✻, bir zaman tarıqlı bolur.
Heç gişini ayıbın betine urmağız.
Yaşlanı, haywanlanı azaplamağız.
Gişini kebinden, kütsünden, opurağından-zatından laqır etmegiz. Mundan sizge bir de payda bolmas. Bolsa, zarar✻ bolur.
Gelişip-gelişmeygen sual-cawaplardan saqlanığız. Heç bir zaman da yalğan söy[lemegiz]. Dosuğuz bulan şulay aralıq yürütügüz: nagäh duşman bolup getse de, özügüzge zarar geltirirdey bolmasın.