Ruşdiya✻ qısmı
Marhum bir muallimden alajaq qadarnı oxup bitgen soñ, ekinçi qalğan yağın oxumağa bir munasip✻ ustaz izley başladı. Ol zamanğı muallimlik etegen adamlar köbüsü awul mollalar bola edi. Belgili dawamlıq etegen madrasa-maktap bolmağan soñ, ol mollalanı birisine tilep, dars oxujaq bolğan soñ, hujurasında✻ olturup oxumağa başladı. Ozoqda, muallimi awul molla bolğan soñ, awulda bir adam ölse yada toy bolsa, bir neçe gün oxulmay da qala edi. Mundan başğa, iş waqtılarda✻ biçen cıymağa, habijdey-buday taşımağa da elte ediler. Belgili haqı bolmağan soñ, xıylı günlerde dars bolmay da qaladı.
Bu marhum şol yoruqda – bir molladan başğasına, bir yurtdan başğa yurtğa bara turup, Xasawyurt ökrükden✻ çıqmay bir neçe yıllanı içinde arapçadan wa türkçeden yeter qadar malaka✻ hasil etdi✻. Har ne kitapğa qarasa muradın añlayğan darajağa yetdi.
Marhum Nuhay, özündegi zakilik wa pahmusuna tayanıp, mutaallim✻ zamanındağı xıyali✻ waqtıların muhmal✻ yibermey qastında dawamlıq etip çalışğan bolsa edi, şeksiz Dağıstanda maşhur bir syasi✻ alim bolajaq edi.