«Deñiz üstde geme de yoq».
Yaxşı bulan söyleseñ, Aslam cawhar tögüler. Yaman bulan söyleseñ, Atañ-anañ sögüler.
Yaxşı bulan söyleseñ, Şekerge bal qatğanday. Yaman bulan söleseñ, İtge tayaq atğanday.
Menden qayrı neme de yoq, Deñiz üstde geme de yoq.
Sen bizge nege köp bolduñ, Awzubuzğa almas yimik yoq bolduñ.
Arekdegileriñ bilginçe, Yuwuqdağılarıñ gelgençe, Qatınlar sendey bolamı? Yuxlama yatğan yerinde Ölüp qalamı? Sen dünyadan getgenli, Qabaq allar meni turuşum, Qalqı yağalardır enni qonuşum.
Aslam cawhar tögüler – cawharlarday ariw köp sözler aytılar.
Şekerge bal qatğanday – şekerge bal qoşğanday.
Neme, neme de – birew de, bir zat da.
Almas – almaz.
Qabaq allar turuşum, qalqı yağalardır qonuşum – adamı ölgen degen xabarğa inanmaylı qırda gözlew.