«Har bir zatda bir miñ bar».
Ata-anada bir min bar, Beşde ulannı teñ görmey. Arğumaqda bir min bar, Qurşalsa yawdan qutğarmay. Kiriwkada bir min bar, Tartğanda ağaç oqnu toqtatmay. Asxar tawda bir min bar, Bawrunda yatğan batırnı Asta çayqap uyatmay. Ata-anadan nesin göreyim, Beş ulannı biri yaxşı, biri yaman bolğan soñ, Arğumaq, senden nesin göreyim, Yayda yalçılar yaydaq mingen soñ. Kiriwka, senden nesin göreyim, Qul-qazaq oñlu-tersli ilgen soñ, Asxar taw, senden nesin göreyim, Ol oñmağan batırnı Boljallı günü qarşı gelgen soñ.
Miñ, yada min – başğalıq belgi; munda: kemçilik, tetiklik degen maʼnada.
Kiriwka – oqjayanı yibi, tasması (tetiwa luka).
Arğumaq – çalt, yügürük, maqtalğan at (argamak).
Yayzaq (yaydaq) mingen – yer salmaylı mingen.