«Oylağan sayın bizge oy bola…».
Oy qala, anañ da ölsün, oy qala, Oylağan sayın bizge oy bola… Oynu da oyğa sen, xudayım, yetdirmey, Ulanlanı öltürmeseñ ne bola. Bu dünyada neçe türlü er tayğan, Alıslarda köp ariwler muñayğan. Bu dünyada aşamaq bir, içmek bir, Yuwuğuna haq yüregin çeçmek bir. Bu dünyanı muñluq xapğan, sel çapğan, Axmax yelep, mal tapğan. Axmax demey ol erlege ne deyik? Torğaylağa yayıp salğan tor yimik Azireyil atıp salır qarmağın. Dünyalıqda cıyğan malım qaldı dep, Ölegende ah dep xabar barmağın. Barmaqların xapğan bulan soñ bolmas, Yantaya çapğan yawdan oñ bolmas.
Xuday – Tengiri, Allah.
Alıslarda – yıraqlarda (w dalnoy çujoy storone).
Muñayğan – paşman bolğan.
Muñluq xapğan – paşmanlıq, talçıq tüşgen.
Sel çapğan – suw, xaw çapğan (potok, razliw, lawina, sel).
Axmax yelep, mal tapğan – talawurçu haygewler (ahmaqlar) bay bolğan.
Torğay quş – caworonok.
Azireyil – can alağan maläyik (añel smerti).
Tor – aw (set, setka, newod).
Ah dep xabar barmağın – hökünüp barmağın xabar.
Yantaya çapğan yawdan yaw bolmas – süysünmeyli yawğa çapsañ, üstünlük almassan.
Yaw – daw, çabuş, yabuşuw (seça, srajeniye).