«Gözlege şawla bergen nür ediñ».
(Araqçı biyni yası)
Has-has basğan qara atlım, Qapulağa yazar yimik suratlım. İçli-tışlı kiş tonlum, İçinden oybolatlı qantarlım. Paçasına yetgende, üstü qızıl xalätlım. Paçasına yetginçe, quş qanatlım - yel atlım. Basma mühür kağızlım. Paçaları qol bergen, Padişahlar yol bergen. Dört messepni altın waraq bayrahı, Artıñdan qalğan ulanlarıñ saw bolsun. Artıñda ulanlarıñ saw çaqı, Bejenlege quyğan malıñ qurumas. Quwançlı tepsileriñ cıyılmas, Çeltirli şanjallarıñ boş qalmas. Cıyınlarda bal ayağıñ gişi almas, Oçarlarda oçar taşıñ duw qalmas. Cawğarlı qalalanı altın batğıçı, Xazna sandıqlanı açğıçı. Xasa tonlanı altın yağası, Yağasına almas qaşlar ornatğan, Qulaqlanı altın toğası. "Yürekleni gülü ediñ, Gözlege şawla bergen nür ediñ". Hali enni neçik boldu ölmegiñ, Daray xaralağa seni çırmadılar yaş yimik, Beş qarış yer sağa ölçediler taş yimik. Dünyalar sen getgen soñ geng boldu, Özüñ barıp xariplege teñ bolduñ... Qudratnı güçü yetgen zamanda, İnşallah, şulay bolur hamanda...
Kiş ton – sobolewaya şuba.
Oybolat – qılıç, xınjal.
Basma – mühür (peçat).
Dört mesep – dinni dört mazhabı (4 teçenya w musulmanskoy religii).
Bejen – sılanğan bürtüklü aşlıq uçun çeten (zakrom).
Çeltirli şanjallar – wenskiye stulya.
Duw qalmas – boş qalmas.
Cawharlı – cemçujnıye.
Xasa ton – yenotowaya şuba.
Almas qaş – almaz taşlı qaş.
Altın toğa – belbawnu altından temiri (zolotaya bläşka remeni).
Daray – tafta qumaç.
Xara qumaç – parça qumaç.
Xaripler – amalsızlar, misginler.
Qudrat – Allah.