«Yerlege yaşıl otlar bitermi?».
Tawlardan altı tarmaq suw atsa, Örmekler bolurmuken yağası. Qırımlardan qırq miñ asger atlansa, Biyler-xanlar bolurmuken ağası. Aççılı yerge gömgen bulan tot bolmas Atollunu köbüsünü toğası. Atolu senden artıq er bolmas, Arğumaq, senden artıq at bolmas, Ana dol, senden ullu suw bolmas, Asxar taw, senden ullu taw bolmas Atolunu artıqlığı ne bolsun, Duşmanını yarmay ötun almasa. Arğumaqnı ariwlügü ne bolsun: Ana Terik yarıp yollar salmasa. Ana Dolnu ulluluğu ne bolsun Üstünde şawşaq buzlar qatdırsa. Asxar tawnu biyikligi ne bolsun, Başından palpan quşlar sarqıtsa, Qayda da bir qayır quşlar şamlansa, Onu aldından qaz qaqıllap ötermi, Qara laçin, oñ qanatı çort sınsa, Ol haywan quwnu artından yetermi, Kökler bulan haray yerler bozlaşsa, Yerlege yaşıl otlar bitermi? Tengirim bizge salğan bu namus Bir telpingen bulan başdan getermi?
Tarmaq suw – giççi özen, özenni butağı (reçuşka, pritok).
Atolu – aburlu, belgili adam (znat, znatnıy).
Toğası – belbaw toğa (bläşka remnä).
Anadol – Don özeni.
Asxar taw – qumuqlanı uydurma (mif) zor biyik haybatlı tawu.
Öt, ötü – cölçnıy puzır.
Şawşaq buzlar – uwaq buzlar (şuga).
Palpan quşlar – munda uwaq, giççi quşlar demek (ptaxi, ptaşki).
Quşlar şamlansa – tebinse, urunsa.
Laçin quş – kreçet.
Quw quş – lebed.
Kökler bozlaşsa – qarawlansa, tuñlansa.
Telpingen – talpınğan, tebingen, urunğan.