«Ananay desem….»
Gözleriñ gökdür seni, Gök atnı yalı yimik. Görünesen gözüme, Dünyanı malı yimik.
Dünya malı dünyağa, Dünyağa qaramayman. Sensiz görgen günleni, Ömürge sanamayman.
Ömürler ömür tügül, Ömürler gete zaya. Qarap seni görgende, İçim, bawurum yana.
Sönmeygen otdur süyüw Talaylığa tiyegen, Meni yimik neçeler Yalınına güyegen.
Ananay desem, desem... Dese ne bola dağı? Süygenine sır çeçip, Ölse ne bola dağı?
Daraynı eni bulan, Çilleni çeni bulan, Ölsem de qayırmayman Yanımda seni bulan.
Atnı yalı – atnı yelke çaçı (griwa loşadi).
Talaysız – nasipsiz, käsip.
Daray – tafta qumaç.
Daraynı eni – gengligi.
Çilleni çeni – munda çille qumaçnı uzunu degen maʼnada.