«Gesek-gesek bulut gele»
(Cüñüteyge toyğa barğanda Y. Qazaq Xanika degen qızğa yazğan şiʼru)
Gesek-gesek bulut gele, Gelmeli yoldan, Gesilgençe alğış gele Aqsaray suwdan, Aqsaraynı suwuq-suwu Soğandan tatli, Soğan üyden bir qız çıqdı Xanika atlı. Xanikağa xalät biçdim, Yağası qat-qat, Qat-qatına narlar tüydüm - İyislermiken? Buççağına şeker tüydüm - Tatıwlarmıken? Ari qaradım, beri qaradım, Eki şam terek... Birin gesdim, birin qoydum, Oruslu gölek... O gölekden qızlar çığa, O gölekge qaray turup, Yarıla yürek.
Şam terek – ariw, isbayı, yaş, tek yemişsiz terek.