«Bawda yüzüm alagöz»
Geçeleni geçisen, Geç gelsem uruşusan? Bawda yüzüm alagöz, Kimni tarlan quşusan?
Qarşı tawğa qar yawsa, Küreme kürek gerek. Süygen qızın almağa Ulanğa yürek gerek.
Tawlanı başı tuman, Çırmalıp yatar yılan, Bir aytğanıñ bolmadı, Anañ yarılsın, ulan.
Geçeler ayaz bolsun, Geleşmişi barlağa. Günleri tuman bolsun Meni yimik zarlağa.
Alagöz - yüzümnü curası.
Tarlan quş – ariw, isbayı hawçu quş (berkut).
Ayaz geçe – açıq, tek suwuq geçe.