«Çataq yır».
Biz çıqğanbız Saparali qotanğa Pastan-xarbuz uçun yerler sürmege. Canıbız qaldı bizin hasiret Yel tınıp ariw günler görmege.
Yel tınmadı, kökden bulut taymadı, Genenip bir iş etmege qoymadı. İşleribiz işge bizin oşamay, Ögüzler, biçen salsaq, aşamay.
Gözü göre, gökge awzun tiydirmey, Hey! – degen bulan saban yürümey. Men görgenmen xıylı-xıylı yerleni, Görmegenmen bizdey yazıq erleni.
Sorasağız – qıyınıbız suwuqdan, Üyge qaytma yol tüşmedi yuwuqdan.
Çataq – saban arış başda boyunsağa yuwuqda aldağı ögüzleni haydamaq uçun olturuş minnik (sidenye nawerxu oglobley perwoy parı wolow dlä pogonşika).
Gökge awzun tiydirmey - gök, yaşıl otnu aşamay bek arığanlıqnı, qıynalğanlıqnı sebebinden demek.
Qotan – kütür, maxi, otar (xutor). Saparali qotan Xumtorqalini yerlerinde, haligi Almalını qırıyında yerleşgen qotan.
Yel tınmadı – yel asta, seyir bolmadı, toqtamadı.
Genenip iş etmege qoymadı – erkin, paraxat, rahat iş etmege qoymadı.
Ögüzler gökge awzun tiydirmey – çaqnı çarslığından, buzuqluğundan ögüzler hatta gök otnu da aşamaylar (bırınğı türk-qumuq tilde yaşılğa gök dey bolğan).
Yol tüşmedi yuwuqdan – munda: yuwuq arada, tez arada üyge qaytma bajarılmadı, çola bolmadı degen maʼnada.