«Batır erge yaman olja tarısa».
Lap-lap etip uçğan alay yabalaq, Uçğanda bir qaysı yarğa qonmağan. Yayaqları bedew bitgen arğumaq Yaxşı erkekni qayda yayaw qoymağan. Yaxşı erkek degen bulan er bolmas, Erenleni barı birdey teñ bolmas. Erenleni eki başğa işi bar, Awzunda azaw bolat tişi bar. Awzundağı azaw tişi bolmasa, Qara taldan qıyğan bulan tiş bolmas. Batır erge yaman olja tarısa, Ol batırğa ondan yaman iş bolmas. Salma bolmas, artın-aldın oylasa, Salmay neter yaman tilin qoymasa. Ol erkekge erkek dep çi kim de aytmas, Ol qançıqnı tili bulan yoymasa.
Bedew – semiz, toq, tımırsıq.
Arğumaq – çalt, yügürük at (argamak).
Azaw bolat – iñ qattı bolat.
Salma bolmas – ayırma bolmas.