«Kökdegi bulutlarday salqınlı».
(Mıçığış ulanlağa alğış)
Kökdegi bulutlarday salqınlı, Yerdegi deñizlerdey tolqunlu, Ertengi sari ayaznı tumanı, Analanı arslan tuwğan ulanı, Azow yurtlu Raşitdinni ulanı. Terski oblastnı yaşı ediñ, Sırı açılğan ulanlanı başı ediñ. Yılqılardan taylar tutup mine ediñ, Atı aytılğan Osman degen sen ediñ. Tübüñde tulpar taylar kişnetdiñ, Qalınlıqlar saqlap, yol aldıñ. Gök bulutday sawutlarıñ işletdiñ, Sawutlağa sozup bolat saldırtdıñ, Çapğanda can yüregiñ tınsın dep, Tiygende duşman beli sınsın dep. Gök deñizde ot paroxod gemediñ, Qabu betde qatdı çıqğan yel ediñ. Azow yurtlu Raşitdinni ulanı Dağıstanda barman degen er ediñ. Qalalar çabıp, xazna aldıñ, Qalınlıqlar saqlap, yol saldıñ. Sen olardan awur mallar ala ediñ, Paçalağa ullu xorluq sala ediñ. Paçalanı ot güllesin atdırdıñ, Köp pirewen arbalanı batdırdıñ. Halal bolsun sen aşağan çöregiñ, Sendey bolsun bugün mağa geregiñ.
Ertengi sari ayaz – ertengi suwuq (utrennäya stuja).
Azow yurt – mıçığış yurt.
Sırı açılğan ulanlar – yaxşı, inamlı ulanlar.
Tay – gülüş (cerebönok).
Tulpar taylar – yaxşı, yügürük taylar.
Bolat sozmaq – kowat stal, kowannaya stal.
Yüregiñ tınsın dep – yüregiñ razi bolsun, rahatlansın dep.
Qabu bet – günçığar bet, yaq.
Pirewen arba – furgon.
Çörek – azıq, aş.