Giriş söz
Haligi orta maktapnı iñ aslu masʼalälarından birisi – qumuq adabiyatnı maktapda yürütüw qaydaları (usulları) bulan baylawlu masʼalä. Nege tügül de, bu umumi masʼalänı bir-eki yanı bolsa tügül, bugünlege yerli köp yanları axtarılmay qalıp tura. Şolardan yazıwçulanı asarları bulan baylawlu sözlükleni esgerme bolabız. Yırçı Qazaqğa gelgende busa, bu masʼalänı ahamiyatlığı dağıdan-dağı artıq bolup çığa: bu sözlük iñ erewüllü şairibizni asarların añlama, şolanı terenligine tüşünme kömek etegenden qayrı da, ana tilibizni haligi dewüründe qollanmayğan bolğan, esgilengen sözlerin añlama, demek tilibizni tarixi bulan baylawlu bir-bir çetim masʼalälanı da çeçme kömek ete. Qumuq tilni terenden bilegen, orta maktapda wa Xasawyurt pedkollecde qumuq til wa adabiyat darslanı yürütgen sınawlu muallim İbadulla Hacini bu axtarıw işi muallimler, ana tilibizni tarixi wa Yırçı Qazaqnı yaratıwçuluğu bulan iştahlanağan har kimge de paydalı çığajağına şeklik yoq.
Ağarahim Soltanmurat, Dağıstan Paçalıq Uniwersitetni Dağıstan adabiyatlarını fakultetini yürütüwçüsü, dosent.