Мутаржимден бир-эки сёз

Булай эрлер дюньядан Нечесе минглер гетди, Къолдан къутгъарып халкълар «Ай, сени» деп кант этди.

Излей башлайлар ёкъда, Барда къадрин^✻ билмейлер. Тарыгъып талчыкъмаса, Гьеч инсапгъа гелмейлер.

Авамлагъа айып аз – Жагьилликден билмей деп, Гёз ачып къынгыр къарап, Мал хошуна гелмей деп.

Къызыл кюкюрт – асил зат, Аз дейлер табулмагъы. Тюшгенде сакъламаса, Белгили пуч болмагъы.

Булай эрлер пуч этип, Сонг бармакълар хабабыз. Озгъан янгурну артындан Ямучу алып чабабыз.

Гьюрметлеме герекбиз Элни ягъын тутгъанны. Напсы айтгъанны этмей, Бар ачувун ютгъанны.

Эл агъасы болсун ол Бизден гьюрмет алагъан Англамайгъан авамны Тюз ёлгъа элтип салагъан.

Сёзлери – ……………^✻ Ишлери – башгъа ёлда, Инсан суратлы шайтан Болма герекли ол да.

Абдуррашит Арсланмурзаеф Яхсайлы, 1 апрель, йыл 1926.

А. Арсланмурзаефни макъаласын ажамчадан гьалиги къумукъ язывгъа транслитерация этген ва метинине баянлыкълар язгъан – Гь. Оразаев