Расулну алайгьиссалам миъражгъа^✻ баргъаны

Он экинчи йылында, Пайгъамбарлыкъ берилип, Минмеге Буракъ^✻ да алып Жабрайыл^✻ етди гелип.

Орунундан тургъузуп Расулну алып гетди, Буракъгъа минген кюйде Барып кёклеге етди.

Кёклерде шатлыкъ болду, Муну гелгенин билип; Алдынгъы пайгъамбарлар Бары гёрюшдю гелип.

Женнетни, жагьаннемни, Аршны^✻, кюрсилени^✻ гёрдю; Кёкдеги малайиклер Расулгъа салам берди.

Шапаатны^✻ тиледи – Къыяматгюн болгъанда, Халкъ Магьшаргъа^✻ гьайдалып, Гьисап-суал алгъанда.

Мундан оьтюп, бардылар Сидратул-мунтагьагъа^✻, Андан сонг янгыз гетди Къавсайни ав аднагъа^✻.

Гьакъыллар етишмейген Башгъа макангъа гелди, Герти дюнья гёз булан Аллагьны анда^✻ гёрдю.

Расулгъа муъжизатдыр^✻ Дюнья гёз булан гёрмек. Башгъалагъа болмагъан – Муну гере кдир билмек.

Аллагь булан сёйледи Нечесе юз минг калам, Аллагьым бугъар берди Шо ерде рагьмат салам.

Оьзюне, уьмметине Беш намазны парз этди. Оруну сувугъунча, Къайтып уьюне етди.

Эртен халкъгъа сёйледи Не эшитип, не гёргенин; Аллагь булан сёйлешип, Гьазир къайтып гелгенин.

Асгьаплар инандылар, Шек гелтирмей сёзюне. Не деп шек гелтирежек, Инангъан сонг оьзюне.

Оьзю дюньягъа гелип Бир ялгъан сёз айтмагъан, Гьеч этген ваъдасындан Бир де гери къайтмагъан.

Муну эшитип, Макка агьлю Душман болду янгыдан, Ярыкъ береген нюрню Айырмай къарангыдан.

Гьакълыгъын биле туруп, Гюнчюлюк эди иши. Озокъ^✻, ярыкъны сюймес Гёзю авругъан гиши.

Салат саламлар болсун – Расулгъа, агьлусуна, Сыйлы асгьапларына, Яшына, уллусуна!