Мутааллимликни^✻ эдеплери

Арапчаны сарфы^✻ булан нагьвусу^✻ – «лям йадраб», «ля тансар»-дан^✻ ибарат^✻ деп билмегиз. Арапча сарф, нагьвуну къайдаларыны янына бираз Баян^✻, Маъан^✻, гьам да Люгъат арабия^✻ билмек борч деп инаныгъыз.

Арапча сарф, нагьву билмекни пайдасы – «инна» булан «анна»-гъа^✻ алты тюрлю иълал^✻ охуп билив деп хыял этмегиз. Бальки, гьар тюрлю китапланы тувра охуп англамагъа, оьзюнг сюйген затны арапча язмагъа, гьам да арапча сёйлеп билмеге тийишли деп билигиз. Муна, «Учитилиский ишколада»^✻ орусча сарф, нагьву охуйгъан уланлар булан, «Ас-синат шаркъыя» мактабында^✻ арапча охугъан мутааллимлер – шолай болалар.

Илмуну – китап къарап, ихтилафланы^✻ тюнтюмекден^✻ ибарат деп билмегиз. Бальки, кёп масъалаланы англап, айырып, ачыкъ этип бермекден ибарат деп билигиз.

Уьйренген илмугъуз булан миллетни таълим-тарбиясына къуллукъ этмекни оьзюгюзге борч деп билигиз.

Варасат ул-анбияъ (пайгъамбарланы варислери) болмакъ учун, аба булан чалма буса таманлыкъ эте деп билмегиз.

«Гьал йастава аллязина йаълямуна ва ллязина ля йаъламуна»-ны маънасын^✻ башгъалагъа да англатмагъа къаст этигиз. Аллагьу Таала гьар къайсыбызгъа да тюзелмекни, онгарылмакъны насип этсин!

Битди.

Н. Батырмурзаевни «Янгы тарбия» деген асарын арап язывдан (ажамчадан) кирил язывгъа транслитерация этген ва текстлеге баянлыкълар язып гьазирлеген – Гьасан Оразаев