Расулну алайгьиссалам муъжизатлары

Къайсын-бирин айтайым Гёрсетген муъжизатын. Таврат, Инжил де^✻ язгъан Сююнчюлеп муну атын^✻.

Таврат, Инжилде гёрюп, Оьмюр тилеп къалмагъа, Кёп пайгъамбарлар сюйген Бугъар уьммет болмагъа.

Эртеден яврунчулар^✻ Муну гьалын айтгъанлар, Таза гьакълыгъын билип, Имангъа кёп къайтгъанлар.

Расул учун яратгъан Туташ жумла Аламны. Гьабибим^✻ деп сыйлы этип, Берген Къуръан-Каламны.

Гёрсетген муъжизатын Барму дюньяда саны^✻? Къуръан таман тюгюлмю Гертилигине аны?! Арапланы ичинде Пасигь деп сайлангъанлар, Пасигь Къуръанны гёрюп, Гьайран болуп къалгъанлар.

Юреклери инанмай, Гече-гюн ойлап ятып, Айтып бажармагъанлар Бир сёзюне ошатып.

Къол булан ишара этип, Айны эки ярмагъы; Чакъыргъанда, сужда этип Терек юрюп бармагъы.

Къазаватда асгерлер Сувсаплыкъдан кант этген: Бармагъындан сув чыгъып, Минг дёрт юз халкъгъа етген.

Ерден алгъан увакъ таш Тасбигь этген^✻ къолунда, Булут салкъынлыкъ этген Гьар юрюген ёлунда.

Къысгъарып, бюгюледи Къайда юрюсе ёлу. «Магъа агъу къошгъан» деп Сёйледи къойну къолу.

Нечесе гёзсюзлеге Тюкюрюгю эм болгъан. Бош къуюгъа тюкюрюп, Балдей татли сув болгъан.

Нече тав-ташлар бугъар Алтун болуп гёрюндю. Не ерде хазна буса, Бары ачыкъ билинди.

Бет буруп къарамады Бу дюньяны малына, Къанаатлыкъ^✻ этеди. Оьзю пакъыр гьалында.

Йигитлик^✻-чомартлыкъда Тенг гелмес эди гиши. Пакъыр-етим бар буса, Тергемакъ^✻ эди иши.

Терлеген терлеринден Гюл ийислер геледи. Къарангы гечелерде Нюрю шавла береди.

Къарангы гечедегин Гюндюзгюдей биледи, Алдындан гёрген йимик Артындан да гёреди.

Арслан титирей эди, Гьайбатын гёрсе аны, Юзюн гёрген гишини Айрылма сюймей жаны.

Макътавларын айтмагъа Гишини гючю етмес. Бусурманлыкъ бар гиши Булагъа инкар этмес.

Салат саламлар болсун – Расулгъа, агьлусуна, Сыйлы асгьапларына, Яшына-уллусуна!