Африкъа

Африкъада машгьур вилаятлар алтыдыр. Олардан оьзге дагъы да вилаятлар бар буса да, кёбюсю Аврупа пачалыкъланы къолларындадыр. Аврупаланы къолларында болмагъан ерлери яхшы маълюм да тюгюлдюр.

МАШГЬУР ВИЛАЯТЛАРДАН БИРИНЧИСИ — МИСР^✻. Мисрини халкъы тогъуз мильяндыр. Тахшагьары Мисрдир. Дини исламдыр. Бу вилаят аввал Туркийа къолунда эди. Гьали Ингилизни къолундадыр^✻.

ЭКИНЧИСИ ФАС^✻. Фасны халкъы етти мильяндыр. Тахшагьары Маракешдир^✻. Дини исламдыр. Пачалыгъы мустакъилладыр. Буланы кёбюсю — Испаниядагъы бусурман пачалыкъ бузулгъан сонг гёчюп гелген халкъдыр.

УЬЧЮНЧЮСЮ ГЬАБАШ^✻. Гьабашны халкъы дёрт мильяндыр. Тахшагьары Гъувандардыр^✻. Дини хиристияндыр. Пачалыгъы машрутъадыр.

ДЁРТЮНЧЮСЮ ЖАЗАИР^✻. БЕШИНЧИСИ ТУНУС^✻. АЛТЫНЧЫСЫ ТЪАРАБЛИС^✻. Жазаирни халкъы уьч мильяндыр. Дини исламдыр. Оьзю Пиранса къолундадыр. Тунусну халкъы эки мильяндыр. Дини исламдыр. Оьзю Пиранса къолундадыр^✻. Тъараблисни халкъы бир мильяндыр. Дини исламдыр. Оьзю Туркийа къолундадыр^✻.