Йигирма экинчиси — Юнус алайгьиссалам.

Юнус пайгъамбар Найнува^✻ деген ердеги къавумгъа йиберилгендир. Ол къавумдан эки гишиден оьзгеси Юнусну сёзюн герти этмегенлер. Сонг Юнус алагъа ачувланып чыгъып гетгенде, ёлда денгиз ёлугъуп, гемеге мингендир. Шонда гемени бир балыкъ токътатып, гемедеги халкъ балыкъгъа бир гишини бермеге герек деп, чёп салгъанлар. Чёп Юнус пайгъамбаргъа чыгъып, Юнусну денгизге аттгъанлар. Юнус балыкъны ичинде къыркъ гюн къалгъан. Сонг, Аллагъу таала дуасын къабул этип, къутгъаргъандыр.