Къырхораз

Бир къырхораз агъачны ичи булан гетип бара болгъан. Бир тюлкю муну ашама сюе. Хораз мундан къоркъуп, атылып, бир терекге мине. Тюлкю гелип:

— Тюшсене, хораз, Аллагыны арив къушу! Мен чи сени булан бир мажлис этип, хабарлайым деп, ялкъып гелген эдим, сен терекге минип къалдынг! – дей.

Сонг хораз:

— Воллагь, мен де сени къыдыра эдим! Шундан гьали акъ итлери де булан бир гиши гетди, шо арив хабарлайгъангъа ошай эди, шону да чакъырайым деп, минген эдим, – дей.

Сонг тюлкю: — Шо гиши булан сен оьзюнг хабарла, ол магъа тарыкълы гиши тюгюл! — деп, тез къачып гете.