Он дёртюнчюсю — Шуъайб алайгьиссалам.
Жидда денгизни✻ къырыйында Мадъян деген шагьардагъы халкъ, оьлчевде хыянатлыкъ этип, алагъанда артыкъ оьлчеп, сатагъанда кем оьлчей болгъанлар. Шону учун Аллагъу таала Шуъайбны пайгъамбар этип йибергендир. Шуъайб пайгъамбар бек пасигь гиши болгъан. Нечакъы насигьат этсе де, къавуму огъар инанмагъанлар. Сонг аланы Аллагъу таала кёкден от явдуруп, гьалак эттгендир.