Баракаллагь кимлеге тийишлидир

Къайсы буса да бир вилаятны илму, маърифат ягъындан болду, оьзге ягъындан болду оьрленмагъы, алдынгерли болмагъы — эки зат буландыр.

Аввалгъынчысы, авзунда болду, къолунда болду, гьюнери бар гишилер оьз вилаятын оьрлендирмек учун ялкъмай-талмай къайгъы этип айланмакъдыр.

Экинчиси, оьзге халкъ да шол къайгъы этип айланагъанланы къыйынын зая этмей, хадирин билип, тийишли баракалласын бермакъдыр.

Шу сёзюбюз герти буса, хыйлы йыллардан берли басмаханада ялкъмай-талмай къуллукъ этип, бары да бу китаплар оьзюню къолундан чыгъагъан къапчыгъайлы Къырымханны да бир дуа булан эсгермеге ярай.

Гьаза вассалям.

(«Юсуп алайгьиссалям» Темирханшура, 1910 йыл, 72 б.)