«Üç yıllağa men oljasız yatayım».
Batırıma, can Akayım – giyewge Amanatdır olja bulan atayım. Bu gawurnu Sibir degen yerinde Üç yıllağa men oljasız yatayım. Üç yıldan soñ qaytsam – qaytıp gelirmen, Gelmesem, tap alaşasın satayım! Üç yıllağa meni oljam tul bolsun. Üç yıldan soñ özünü men tapmasam, Uçuzlağa barır-barmas yol bolsun. Yç yıldan soñ otuz günge çıdasa, - Amanatğa art boljalım şol bolsun. Art boljalım men çi sizge aytaman. Hasiret quşlar Asxar tawğa qonsun dep. Ol Asxarnı otlu beti yaynasın, Aziz quşlar ayday, gündey tolsun dep. Ol Asxarnı otlu beti xumsarsa, - Dos-qardaşğa yat gişiler cıyılıp Alham etsin, artı xayır bolsun dep!
Amanatdır – munda awarasın, hayın, qarawun, qulluğun tapşuruw.
Olja – qatın (cena, supruga).
Gawurnu – orus elini, yat paçalığını demek (strana inowersa).
Tap alaşasın satayım – qaytmasam, bolğanı, buyurğanı, yazğanı bolur.
Tul bolsun – tul qalsın, ersiz qalsın.
Uçuzlağa – özünden kemlege, osallağa süyse erge barsın dey.
Asxar taw – qumuq folklorda maqtalğan iñ biyik taw (legendarnaya skazoçnaya (mifiçeskaya) gora u kumıkow = Elbrus – A-K. Abd.).
Otlu beti xumsarsa - otu sarğaysa, qurusa, yaʼni güz gelse demek.
Alham etsin, artı xayır bolsun dep – umut üzüp, taziyatım tutsun, alham oxusun, artı xayır bolsun dep tilesin dey.