«Gemeler geçmes güçlü deñizler».
Minerleriñ seni miñge yetse de, Miñlerden dağı artıq ötse de, Mingeniñni bek asırap minmeseñ, Arğumağıñ arır seni yollarda. Gemeler geçmes güçlü deñizler, Geçiwlerden gelegeni gesilse, Qayıqlar geçmes yimik köl bolur. Sarqıwlar sıymas suwlu özenler Ağımları alışınmay yürüse, Sallar baylap geçer yimik qol bolur. Oqlar ursa, ötmes ullu ormanlar Çuburuwlar aldı oğar burulsa, Çırpılar da tabulmasday yol bolur.
Gemeler geçmes – ötmes.
Asırap – ayawlap, qızğanıp (berejno, raçitelno).
Geçiw – brod.
Sarqıwlar (ağım) – munda özen ornu (ruslo reki) degen maʼnada qollanğan.
Sal, sallar – plot, plotı.
Qol bolur – geng orunu bolur (ruslo).
Çuburuwlar – köp haywan siriwler yürüse.
Çırpılar – çurpular (xworost).