«Sıydan tüşdü oybolatlar qılawlu».
Tawda taxday orunlum, Tüzde qara nartlar yimik zor ullum, Xan ulluday özden atın ullu etgen, Xalipaday xalqnı artından iyertgen, Orus paça Şamilibiz qolğa aldı, Quni tawğa aslam ullu yurt saldı, Yurt salmadı qayğı bulan dert saldı. Dertlengen yürekleri talawlu, Sıydan tüşdü oybolatlar qılawlu. Kökleni zırıllağan çığıday, Biz qalğanbız gözyaş kepmey yılawlu. Qara xalqnı otun, suwun, ağaçın Bu paçalıq alıp qoyğan tügülmü? Bu paçalıq enni bizge netmedi? Qarşı turup taymay qılıç ursaq da, Bu paçalıq tügesmedi, bitmedi. Kürlük getip bu haligi zamanda Temtireşgen yaxşı bulan yaman da. Bu yoyulğur din duşmannı zulmusu Oylağanğa oy tügülmü hamanda? Tawlağa dört dögerçik mingenli, Tawlarda tax dep tübek atılmay, Ot-güllesi soldatına batılmay. Bu paçanı elge sorap işi yoq, Buğar qarşı heç çığajaq gişi yoq. İşleni etmeygenni el bulan El cıyılıp gömme gerek bel bulan.
Tawda taxday orunlum – tax yesi (xozäin trona, imeüşiy na gore tronopodobnıy stan).
Nart – alp, batır (bogatır, welikan).
Xalipa – xalif, padişah, paça.
Ğuni taw – Guni taw, Gunib taw.
Özden, özdenler – erkin adamlar.
Talawlu yürekleri – dertli, qayğılı, oylu yürekleri.
Oybolatlar qılawlu – xınjallar tügül – itti bolat qılıçlar (ostrıye meçi).
Gözyaş kepmey – gözyaş soruqmay, qurumay.
Qara xalq – işçi-sabançı, sayaw (prostoy) xalq.
Tügesmedi (tügenmedi) – az bolmadı, kemimedi, bitmedi.
Din duşmannı zulmusu – munda: paça hukumatnı, onu qulluqçularını zulmusu (gnöt).
Temtireşgen – lawlağan, osallaşğan, abdırağan, adağan, boşağan, büdüregen.
El, el bulan – munda xalq, xalq bulan degen maʼnada.
Yoyulğur – yoq, tas bolğur.
Zulmu, zulmusu – gnöt, nasiliye, pritesneniye, ugneteniye, ekspluatasya.
Dört dögerçik – dört dögerçikli arba (telega, furgon – A-Q. Abd-p).
İşleni etmeygenni el bulan – el, xalq bulan söyleşmey, soramay etmeygenni.