MAYMUN WA TÜLKÜ
Qır canlar cıyılıp, maymunnu hakim etgenler. Tülkü maymunğa: — Hakimibizsen, sağa yaxşılıq etme süyemen, — degen. — Ağaçlıqda xazna tapğanman, yürü, görseteyim.
Süyüngen maymun tülkünü artına tüşe. Axırda yetişeler. Tülkü qapğunnu görsetip: — Hona xazna! Sensiz tiyme bolmadım. Al! — degen. Maymun süyünüp, qolun suqğan — qapğun qısıp qoyğan.
Tülkü tez qır canlanı çaqırğanda, maymunnu mısğıllap: — Hakimibizni göremisiz? Buzuq-baş! Haqıllı edi busa, qapğunğa tüşmes edi! — degen.