BÖRÜ WA İT
Yurtnu aylanasında aylanağan börü semiz itge qarşı bolğan.
— Aşamlıqnı qaydan alasız? — dep sorağan börü.
— Kaydan alayıq, adamlar bere, — degen it.
— Adamlağa halal qulluq etmege neçe de qıyındır? — degen börü.
— Bir de qıyın tügül, — degen it. Geçeler abzarın saqlaybız.
— Şo sayalı toyduradır? — degen börü. — Men de saqlar edim. Bizge azıq tapma qıyın.
— Gel, xojayınıbız seni de toydurar, — degen it.
Börü süyünüp, it bulan gete. Qapudan gire turağanda itge: — Boynuñ nege qırjılğan? — dep sorağan.
Şolay, özü qırjılğan, — dep qoyğan it.
— Olay neçik bola?
— Şınjır işılıp qırjılğan, gündüzler baylaylar.
— Olay busa, men getdim! — degen berü. — Adamlağa qulluqçu bolma süymeymen. Aç busam da, azatman.