QIRTAWUQ WA TÜLKÜ
Qırtawuq terekge qonup turağanda, tülkü gelip: — Ayawlum, azizim! — dep başlağan. — Balday tatli tawuşuñnu eşitip gelgenmen. Sawluğuñ neçikdir?
— Köp sawbol, — dey qırtawuq. Tülkü eşitmeygen bolup:
— Ha? Ne dediñ xari? — dep soray. — Ayawlum, qulaqlarım eşitmey. Beri gel, gök otnu ystünde qıdırayıq, yürek açayıq.
— Tüşmege qorqaman, — degen qırtawuq. — Bizin quş taypağa yerde qıdırmaq qorqunçlu.
— Bah, menden qorqamısan?!
- Senden qorqmasam — özge qır canlardan qorqaman, — degen qırtawuq. — Yırtğıçlanı neçe türlüsü de bar çı.
— Bir de qorqma, ayawlum. Dünyada paraxatlıq bolma gerek dep qarar çıqğan. Qır canlar enni birewge de tiymejek.
— Ne yaxşıdır xari! — dey qırtawuq. — Hona, itler haplay. Enni olardan qaçmajağıbız yaxşı.
— Hey, hey, qayda barasan? — dep qıçırğan qırtawuq, itlerden qaça turağan tülküge. — Qarar çıqğan soñ, itler tiymejek.
— İtler qararnı oxumağandır, dep, tülkü qaçıp getgen.