МАЙМУН ВА ТЮЛКЮ

Къыр жанлар жыйылып, маймунну гьаким этгенлер. Тюлкю маймунгъа: — Гьакимибизсен, сагъа яхшылыкъ этме сюемен, — деген. — Агъачлыкъда хазна тапгъанман, юрю, гёрсетейим.

Сююнген маймун тюлкюню артына тюше. Ахырда етишелер. Тюлкю къапгъунну гёрсетип: — Гьона хазна! Сенсиз тийме болмадым. Ал! — деген. Маймун сююнюп, къолун сукъгъан — къапгъун къысып къойгъан.

Тюлкю тез къыр жанлaны чакъыргъанда, маймунну мысгъыллап: — Гьакимибизни гёремисиз? Бузукъ-баш! Гьакъыллы эди буса, къапгъунгъа тюшмес эди! — деген.