Сегизинчи сурат

(Яго ва Родриго.)

Яго. Ол буссагьат мунда гелмеге герек. Къылычынг чы бар. Гёрген мюгьлетде, ур! Тек чалт. Гьеч бир затдан къоркъма!… Мен бу якъда туражакъман. Бютюн къуватынгны жый. Унутма чы: биз мунда я ишни утмагъа герекбиз, яда — оьлмеге.

Родриго. Сен нечик алайда узакъгъа гетме… Балики мен бажармадым.

Яго. Мен мундаман. Тез къылычынгны чыгъар. (Родриго къылычын сувура.) Бу Кассиону оьлтюрежекми. Яда ол муну оьлтюрежекми — магъа бир де башгъа тюгюл. Гьар гьалда мен къазанажакъман… Муна геле — мен ону юрюшюнден таныйман. (Кассио ичине гире, Родриго ону уьстюне атыла.)

Родриго. Оьл ярахсыз!!

Кассио. Гёлегим темир болмаса чы оьлер эдим… Энни сени палтарынгны сынамагъа тарыкъ. (Родригону яралай.)

Родриго. Вай… Оьлдюм! (Яго еринден чыгъып Кассиону яралай ва къача. Артындан къавгъа эшитиле.)

Кассио. Агь… Яраландым. Кёмек этигиз! Ярыкъ беригиз!… Къачакълар!… Оьлтюрювчюлер!… (йыгъыла.)

Родриго. Агь… Оьлдюм!… Къан мени агъыздыра. (Яго къолунда чыракъ булан ичине гире.)

Яго. Бу не къавгъадыр? Кимдир мунда? Ким къычыра?… Жинаятлыкъ…

Кассио. Мунда гелигиз!… Аллагьны хатири учун, гелигиз!…

Яго. Кимдир къычырагъан? Кимдир?

Кассио. Яго, сенмусан? Ярахсызлар мени яраладылар. Тез кёмекге!

Яго. Лейтенант, сизмусуз? Ярахсызлар! Къайда къачдылар?

Родриго. Агь, кёмек этигиз!

Кассио. Она бир шо.

Яго. Агьа… Эсгик, яракъсыз, къачакъ… Оьлтюрювчю! (Родригогъа ура.)

Родриго. Агь… малъун, биябур Яго! Яракъсыз оьлтюрювчю ит. (Оьле.)

Яго. Къайда дагъы къансувсагъан оьлтюрювчюлер… Къайда къалгъан, мурдарлар? Гьеч биревню хабары ёкъ… Гьарай… Къачакълар адам оьлтюрдюлер… Кёмекге гелигиз! Гьарай…

Перде.