«Batır bulan qurdaş bol».
Çabuwullar aldı qılıçlı, Qılıçlar yerge çapsa ötermi? Tübündegi arğumağın berse de, Atolu biyge qulluq etermi? "Sabur tübü sari altın", Saburğa zat yetermi? Alğasağan gişini işi oñ bolmas, Barmaqların xapğan bulan soñ bolmas. Yarlılağa gün çıqmas, Yañızlağa tañ bolmas. Bola busañ batır bulan qurdaş bol, Ol batırda senden ayar can bolmas, Osallar bulan qurdaş bolma çı. Qıyın gelgen seni günüñde Ol osallar sağa gelip yan bolmas. Erenler tarımasday iş gelse, At götermes awur namus iş tüşse, Aşnalar bulan yuwuq sırdaşnı Aşgerege salma süyseñ, qara çı. Qurdaşlarıñ seni işiñe çalışmas, Quwunlarda yansız görse boluşmas; Tığırıqda sağa ne demes, Tigilişgen seni günüñde Qurdaşlarıñ seni işiñe yudamas. Samalardan sallar sozulmas, Saburlanı işi sanda buzulmas. Yamanlar yawda yazılmas, Yağalaşğan seni günüñde Qardaşlarıñ baş-başına tozulmas, Çapğanda yaman çüy almas, Çağılışğan seni günüñde, Qardaşlarıñ bir seni uçun uyalmas.
Çabuwullar aldı qılıçlı – hujum, çabuşuw, uruş aldı qılıçlı (atakuüşiye wperedi seçi s meçami w rukax, gotowıye otrazit wraga).
Aşgere (aşkere) – açıq, ayan, zahir.
Yudamas – hökünmes, ilıqmas.
Tigilingen seni günüñde – seni qıyınlı günüñde.
Qardaşlarıñ seni işiñe yudamas – ilıqmas.
Arğumaq – sıylı, maqtalğan cınslı bek çabağan, yügürük at (argamak).
Atolu – atı belgili, aburlu, maqtalğan er (znat, znatnıy, blagorodnıy). Attila dep ğunlanı 434-453 yıllarda maqtawluqğa atı aytılğan paçası bolğan (atolu degen söz şondan baş alma bola).
Mañ bolmas – munda: adaşmas, büdüremes, qaypanmas, tartınmas demek.
Erenler tarımasday iş gelse – awur, qıyın, yeñmes, ebine gelmesdey iş, qulluq, namus gelse, tüşse.
Aşnalar – bir qan qardaşlar, dos-qardaşlar, yuwuq qardaşlar.
Aşgerege salma süyseñ – ayan, belgili, açıq etmege süyseñ.
Çalışmas – erinçekliginden qast, harakat etmes.
Tigilişgen günüñde – tartışağan günüñde.
Tığırıq – tupikowıy proulok.
Samalar – saz balçıqlar (glina).
Sal, sallar sozulmas – sazdan sal, sallar etilmes (ne de – ölü süyek sozulmas?).
Yamanlar yawda yazılmas – tabulmas, kömekleşmes, maqtalmas.
Yaman çüy almas – çüyelmes, osal bolmas.
Çağılışğan günüñde – sawut çaqğan, atğan, yabuşağan, tartışağan, çabuşağan günüñde.