«Arğumaqday asaw erlege».
Arğumaqday asaw erlege Axireyil toğalıq salıp buwğanda, Ayalı qolların yayıp, ayrı tizden yügünüp, Yaratğanğa tilew tilep yalbarsa, Boljallı günden ömür uzalmas. Tengiri taqdir yazğan yazıwdan Taxda olturğan paça bolsa da ozalmas. Yaşawubuz yipge saplanğan, - Accal degen üç xırlanğan xatarlı oq. Tilegen bulan baqmadı, Qarşılaşsa qorqmadı, Darmanı yoq anı, emi yoq. Suwsuz, otsuz qaynayğan, Tolqunu tawday oynayğan Dünya degen aççı deñizdir, Gemesi onda kimni batmağan? Yelikse de özünden soñ el qalıp, Altınlı taxdan ayrılıp, Qara yerde kimler yatmağan? Azireyil azaw bizli, aç gözlü Boş qaytarmı can almağa gelgen soñ. Dünyada heç hökünçüm qalmadı, Yılamağız mağa enni ölgen soñ.
Arğumaq – sıylı cınslı, maqtalğan, bek çabağan, yügürük at (argamak).
Asaw – munda cah, cigerli, harakatlı, kür, qurç er degen maʼnada.
Toğaslıq, toğas – purşaw (ograda, prepätstwiye, zaslon).
Ayrı tizden yügünüp – tobuqdan turup, çögüp (staw na odno koleno).
Yaratğanğa tilew tilep yalbarsa – Allahına yalbarıp tilese.
Yalbarıp tilemek – bek, güçlü tilemek (prosit, umolät).
Tengiri taqtir yazğan yazıwdan – aldanoq yazğan yazıwdan (ot predpisanya Allaxa).
Xatabız yipge saplanğan – yañılışıbız bolma hap-hazir (wisit na woloske).
Xatarlı oq – zarallı, ziyanlı oq (razäşaya strela).
Gemesi onda kimni batmağan? – kim yañılışmağan, qıyınlıq görmegen bu dünyada?
Yelise de – yelikse de, qutursa da, şaşsa da.
Altınlı tax – zolotoy tron (Zolotaya orda).
Azireyil – añel smerti.
Azaw bizli – ullu qattı bizli (munda tişli degen maʼnada).
Aç gözlü – sutur, damahkar (cadnıy, nenasıtnıy).