Не зат нечик оьлчене

Яшлагъа яшавда гьар абатда йимик бек тарыкълы болагъан тюрлю оьлчевлени яхшы билмек учун оьзтёрече оюнлар.

Яшханаларда, яшлар бавларында, охувханада дарслада да яшланы бири муалим, бириси охувчу яш болуп, соравлар берип, яшлар алышынып жаваплар къайтарып ойнамакъ учун.

Мал багьасы – акъчадыр Сакъланар ер – бокъчадыр

Акъча:

Муалим:

– Яшлар арив къарагъыз, Биле болма ярайсыз. Къолума мен тутгъаным. Темир акъча – 5 кепек. Нече шайы беш кепек?

Муталим:

– 5 кепекдир – 1 шайы. (5 кепек – 1 шайы).

Муалим:

– Буса яхшы айт гьали! Нече шайы 10 кепек?

Муталим:

– 2 шайы – 10 кепек. (2 шайы – 10 кепек)

Муалим:

– Бир аппасы – Аппасы. Нече шайы Аппасы?

Муталим:

– 1 аппасы – 4 шайы. (1 аппасы – 4 шайы, 20 кепек)

Муалим:

– Акъ акъчадыр аппасы. Нече кепек аппасы?

Муталим:

– Кепеклерден – Йигирма. (– I аппасы = 20 кепек).

Муалим:

– Беш аппасы мен берсем. Нече кепек сен билсенг?

Муталим:

– Шо чу хари – 100 кепек. Яда болар – 1 манат. Кисемде ёкъ Бир кепек. (5 аппасы = 100 кепек = 1 манат.)

Муалим:

– Гьаракатгъа – берекет! Болсун учун гьайын эт!

Муталим:

– Шону да мен билемен, Гьеч биревге тилемен. Ерден кепек тапсам да. Башлагъанман бош бокъчама тыкъмагъа.

Муалим:

– Гьай машалла, ма шаа Ллагь! Барлы^✻ болгъун Я Аллагъ! Дагъы да мен сорайым. Билемисен – къарайым. Бёрк багъасы – бир тюмен. Нече манат бир тюмен?

Муталим:

1 тюмендир – 10 манат. (10 манат = 1 тюмен)

Муалим:

– Гёлек сюйсенг алмагъа, Берме тюшер он тюмен. Нече манат – он тюмен?

Муталим:

100 манатдыр – 10 тюмен. (100 манат = 10 тюмен.)

Муалим:

– Мал багъасы? _Муталим:_ – акъчадыр.

Муалим:

– Сакълар ери? _Муталим:_ – Бокъчадыр! Шолай этмес – чочкъадыр^✻.

Яшлар шатланып харс уралар англатывлар берип, макътавлу сёзлер айта.