«Yağalanı basıp yaw gelse».
Arğumaq ariw atlar sesgense, Aq deñizni qarşı aldında yuwşarmı? Üyde qazaq köp yatsa, Bellerin gümüş bulan qurşarmı? Yağalanı basıp yaw gelse, Batırlanı buwunları boşarmı? Taw aralap yol salmay. Arqalanı bawrun qıdırmay, Arğumaq ariw atlar arıtmay, Yat ellege barıp özün tanıtmay, Atalardan batır tuwğan ulanlar Üylerinde yatıp turma oşarmı? Ellerin basıp yaw gelse, Batırlanı buwunları boşarmı.
Yuwşarmı? – tamşanarmı, aşarmı, otlarmı?
Batırlanı buwunları boşarmı? – batırlar büdürermi, osal bolarmı, tartınarmı?