«Yamuçuñnu bawu uzun»
Taw tübünde tarimen, Yañur yoqğa sarimen. Yamuçuñnu bawuman, Yüregiñni yawuman.
Yamuçuñnu bawu uzun, Çüyge nege ilmeysen? Sen meni süye busañ, Bizge nege gelmeysen?
Men sizge gelir edim, İtigiz qayır, xaba. Xapsa da gelir edim, Atañ balta alıp çaba.
Tawlanı Maskewünde Taw artında tawdaman. Tiplisde buğawluman, Bir seni uçun dawdaman.
Taw artında tawbolur, Yañur yawsa, xaw bolur. Dos güydürgen saw bolmas, Ot güydürgen saw bolur.
Süygen kim, süydürgen kim, Ayrılğanlar qayda yoq? Ot tüşgen tawlar yimik, Yallasaq da payda yoq.
Ot tüşmey, örten tüşgen, Erpeli tawlar güygen. Sawğatı yoq, salamı, Şulay bolamı süygen?
Qarşı aldımda, qarasam, Erpelini tawları… Ot tüşmey irip bara, Yüregimni yawları.
Tar tığırıq, tar soqmaq, Tartmaysan bilegimden… Tamurlanğan terekdey Taymaysan yüregimden.
Men seni süygen edim, Canıma yarağanğa. Xum üyrülüp, taş yawsun, Özgege qarağanğa.
Seni de anañ, meni de Körükge eltsin çarasın. Süymeygenler buza eken Süygenleni arasın.
Ülkeden aylanğanğa Ülgü tabulmay qalmas. Oylaşmay etgen işge Barmaq xabulmay qalmas.
Anay desem ananay, Bu boldu neçe-neçe… İmanıñdan ayrılğır, Menden ayrılğan geçe.
Yüregiñni yawuman – yüregiñni mayıman.
Qayır it – tiri, xabağan, yaman it.
Çara – munda: dögerek ullu ağaç xadira (loxan dlä zamesa testa).