«Çapğan gün şatlıq etmes».
Çapğan gün şatlıq etmes Muq boyunlu tar sanlar Çabuşğan gün sır bermes. Menmen degen arslanlar. Neçese biyler, xanlar, Allah yaratğan yerde Bulay alämat işni Görgenmiken insanlar?
İnsansan – elge oşa, Yüz elli miñ yıl yaşa, Yüz yıl yaşağan adam Bulay alämat işni Görgen busa tamaşa.
Arsarsız eki çomart, Biri – arslan, biri – nart, Artından nögerleri At minip giygen xalät, Olağa pitne salğan İlbis malünge nalät!
Başlap dawun etmegi, Bir-birine yetmegi: Quyuşğanı quyma altın, Yerqaşı gümüş, yana, Tizginleri tasmadan, Awuzluğu dahana – Yoldan ötüp barağan Bir at bolğan bahana.
Elmeli Gebek – pristop Yaxşı at dep maqtay bolğan. Qarşıda olturğan Murza, Qayralıp ereturğan, Arqalı inbaşına. Accalın arta barğan, Artındağı tapança Aldına tarta barğan. Qolu çaqmada bolğan, Yürüp üstüne barğan, Gerenli can yerine Tartınmay tirep urğan.
Kansaral tolğan adam Buzulup-adap qalğan. Abdırağan, adağan, Adamlağa qarağan. Buyruqlu baş nökeri, Özün cıyıp turağan. Biyim ne buyurur dep Hazir bolup turağan, Şol biyi oram etgen, Eşikni açıp çığar dep Nökeri xıyal etgen: Ur! dep ayta şuğar dep.
Oramın, işarasın Oylamay urup yıqğan, Elmeli Gebek – pristop Qaçıp tışğari çıqğan.
Buzulğur kansaralda Şahalayğa aylanğan, Arsarsız eki tabun Sawutlağa şaylanğan.
Tapançalar turğuzup, Xınjalların suwurğan. Güçü-günü bar çaqı Biri-birine urğan.
Qudratlı güçlü Allah Qullarına buyurğan, Quşday aziz canlanı Çarxlarından ayırğan.
Buzulğur kansaralnı Eşikleri qarağay. Terezeleri şişa, Çüymege alğan qırğıyday. Eki xanı nökeri Tabun tartıp uruşa.
Biri-birisin yoqlay, Qanı süt yimik oqlay. Haqıl bulan es tabıp Xalit Canbegin saqlay.
Bir qolu – karawatda, Bir qolu – oybolatda. Bir çarxda altı sanı, Altmış yara tiygen soñ, Qalarmı güç-quwat da?
Canbegin saqlay turup, Güçü-quwatı bitgen. Ennigi onu işi Bolmajaq yerge yetgen.
Bolmajaq yerge yetgen. Bolmajağın bilgen soñ, Birine oram etgen, Oramı bulan ölgen. Onu ornuna ol gelgen. Ornuna ol gelgen soñ, Yığılıp canın bergen.
Ol birisine qara: San-sanı para-para.
Haqıl bulan es tabıp Tamğa tayanıp tura… Yürüp üstüne bara, Xınjalların suwura – Güçü-günü bar çaqı Biri-birine ura.
Qadirlengen Soltanım Qapuldan balah sala. Barını da canların Teñ etip birden ala…
Muq boyunlu tar sanlar – kütssüz, qutsuz, osal sanlılar.
Alämat iş – ajayıp, hayran, tamaşa iş.
Elge oşa – xalqıña oşa.
Arsarsız – tartınıwsuz, çars, qorquw bilmeygen, yelikgen.
Nöker, nökerler – biyni atlı sawutlu qoruwçuları (straja, drujina).
Pitne salğan – qawğa, erişiw salğan.
İlbis malʼun – käpir, imansız (newernıy, predannıy proklätiü).
Quyuşğanı quyma altın – şilganı atnı quyruğunu tübünden ötegen gesegi, bölügü (poxwa); şo gesek tez çirimesin dep, şonu dahana (nerjaweyka) giççi temir bırğığa giyirte bolğan, artıq baylar şonu hatta gümüşden, altından etdire bolğanlar; quyma altın – altından quyulğan, etilgen.
Yerqaşı gümüş yana – luka sedla serebrom pokrıtaya.
Tasma – eçki teriden gön alätlanı tikmek uçun etilgen tar sızaq qayış (tesma).
Awuzluğu dahana – udila iz nerjaweyki.
Elmeli – ermeli (armänin).
Pristop – pristaw.
Accal – ölüm (smert).
Qayralıp – qaharlanıp, şamlanıp (obozlönnıy, oswirepewşiy).
Arqalı inbaşı – //yanbaşı (zapleçye).
Abdıramaq – adamaq, eser-meser bolmaq (rasterätsä).
Buyruqlu baş nöker – glawnıy, starşiy nuker, prikazçik.
Oram etgen – işara etgen (dal nemoy znak).
Nökeri xıyal etgen – yañılış oylağan (oşiboçno ponäl).
Qaçıp tışğari çıqğan – qaçıp qırğa çıqğan.
Şahalayday aylanğan – bulğanışıp, wayah yasdaday dögerek aylanğan.
Sawutlağa şaylanğan – sawutlağa sermengen, xarmanğan, olanı suwurğan, çığarğan.
Haqıl bulan es tabıp – dogadalsä, umom ponäl, umudrilsä.
//Qadirlengen Soltanım – açuwlanğan qudratlı güçlü Allahım.
Qapuldan balah sala – birden, esde yoq yerden balah sala.
Güçü-günü bar çaqı – barı da güçün salıp (so wsey siloy).
Qudratlı güçlü Allah – Wsemoguşiy, Wsesilnıy Allax.
Çarxlarından ayırğan – san-sanından ayırğan.
Eşikleri qarağay ağaçdan – qattı ağaçdan (iz listwennisı).
Qırğıy quş – yastreb.
Qanı süt yimik oqlay – qanı sütdey ağa.
Oybolat – munda: bolat xınjal demek.
Haqıl bulan es tabıp – haqılı bulan baş alıp, oylaşıp (umudrilsä).
Qapuldan balah sala – esde yoqdan, xaparsızdan, birdenden balah sala.