Qırxoraz
Bir qırxoraz ağaçnı içi bulan getip bara bolğan. Bir tülkü munu aşama süye. Xoraz mundan qorqup, atılıp, bir terekge mine. Tülkü gelip:
— Tüşsene, xoraz, Allagını ariw quşu! Men çi seni bulan bir maclis etip, xabarlayım dep, yalqıp gelgen edim, sen terekge minip qaldıñ! – dey.
Soñ xoraz:
— Wollah, men de seni qıdıra edim! Şundan hali aq itleri de bulan bir gişi getdi, şo ariw xabarlayğanğa oşay edi, şonu da çaqırayım dep, mingen edim, – dey.
Soñ tülkü: — Şo gişi bulan sen özüñ xabarla, ol mağa tarıqlı gişi tügül! — dep, tez qaçıp gete.