Tolğuyğan noğaylı
He-e-e-y… Abayımnı üyünde, Ay suwluday erkemen de men torqaman. Tirmenlege tirlik tartma gelgen yerinde, Toyuğuzda tolğumağa qorqaman.
Törügüzde töñekdey bolup qalğanman, Terik suwlar taşıp salğan sörümdey. Tolğan tübek yimik süyelip, Toyuğuzda Qazaq nege görünmey, aw.
Ölgen bitmeygen awlaq da bolmas, çöl bolmas, Yel üfürse çayqalmayğan da köl bolmas. Yürekdegin yatlar bilse sır bolmas, Yürekni tebip çıqmağan söz yır bolmas.
Yırlar edim sizge men, qumuqlar, yır qapçığım sögülgen, Yıllanı boy cıyğan yırım tögülgen. Qazaqdağı güç de yoq men, Noğay da Qonaq atlar qursaq etmes toğayda.
Qazaqdağı güç de yoq men, Noğay da Qonaq atlar qursaq etmegen toğayda.
He-e-e-y, Yaratğanım bizge şulay yorağan: Yarlı noğay yün töleme yaralğan, Yanıq Murzalar yörmeleme yaralğan. Mendey yıraw, yörmep awzun tikse de,
Mendey yırawlar, yörmep awzun tikse de, Söz söyleme, yır yırlama yaralğan.
He-e-e-y, yırı yoqnu tıñlamağa xalqı yoq, Xalqı yoqnu erkin ullu eli yoq. Ellerden elge ersek yırlar eltegen Eligizde mağa oşağan deli yoq.
Ersek biyler elden sawut cıyğan gün, Er ulanlar sawut taqmay yalqğandır. Sawutsuz qalğır qumuq gedeler, Sawut etip Qazaqnı yırın taqğandır.
Turalini tuzun quysa da, tolmayğan Toğuz awuzlu tuzlaqlar qayda, gön qayda. Tolğuğanda tüye keriwan da toqtatğan Tatar oğlu Qazaq qayda, men qayda.
Tolğuğanda tüye keriwan toqtatğan Tatar oğlu Qazaq qayda, men qayda.
Hayt, ulanlar, yır teregini butaqları bulutda, Butağan yoq onu biy, xan bolup da. Yır teregini tamurları terendir, Tamurundan tartsa taxlar terbenir.
Yuwuşannı da çala, yırnı çalğan yoq, Yılqılayın oğar yügen salğan yoq. Yardımlı bir Qazaq yimik yırawlanı kişenlep Allahnı dünyası bulan qalğan yoq.