Бешлер

Янтайгъан еримде яхшы ойлашып къарайман. Уллу тамаша!

Гьар жуманы гьар бешинчи гюню – жумагюн бола.

Жума Мугьаммат пайхаммарны, аллайгьи салату ва ссалам, гюню. Бусурманларда гьар жумагюн уллу гюн санала.

Гьар жумагюн – жуманы бешинчи гюнюнде межитлерде жума намаз къылына.

Руссия уьлкеде пачалыкъ къурумлары жумада беш гюн ишлей, эки гюн ял ала.

Йылны яй айларында аслу гьалда эртенлер сагьат беш вакътиде танг белгиси билине.

Йылны гюз, къыш айларында ахшамлар сагьат беш вакътиде гюнеш артылып, маркача бола.

Къара дагъы, гьар адамны гьар къолунда ва аягъында бешер бармагъы да бола.

Бир керен бешевге бирев – болуп къалгъан, – дей тирев.

Энни тергев беригиз! падишагь болду?

Къыз: Нече пайхаммар падишагь болду?

Алим: Беш пайхаммар болду: Давут, Юсуп, Сулейман, Зулькъарнай, Мугьаммат сал Аллагьу алайгьи ва ссалам. Демек, падишагьлар беш пайхаммар болгъан.

(Юз суаллы Маликаны хабарындан)

Дагъы да къарагъыз дагъы бу ишге!

Лап яхшы охуйгъан яшгъа беш къыймат салалар.

Карханаларда, фабриклерде, пачалыкъ къурумларда, идараларда ишлейгенлер ахшамлар сагьат бешде иш гюню битип, ишлеринден чыгъалар.

Къыз: Нече зат атасы ёкъ туруп, дюньягъа гелди?

Алим: Беш зат гелди: Адам (пайхаммар) – бир, Гьава – эки, Исмайыл учун къурбан болур гелген къочкъар къочкъар – уьч, Салигь пайхаммарны ташдан чыкъгъан тюеси – дёрт, Мусаны ассасы – беш.

Бир керен агъайым тепсидеги чудуланы санап чыгъып:

– Бешиси магъа, къалгъан экиси сагъа, – деди.

Бир башы бузукъ оьзюню беш алмасын эки бувма гертмеге алышдыргъан.

Беш де экиге беш де уьчню къошса нече болар? Билип бол!

Гюнде беш намаз къылалар.

Беш санавгъа байлавлу дагъы да не йимик мисаллар гелтирме боламан? – деп ойгъа батгъан мюгьлетде хоншум гирип гелип, – Гелсене шеш-беш ойнайыкъ! – деп бёлдю де къойду.

Шолай яшыртгъын сырлары булангъы «бешлени» де къоюп, «алтылагъа» де гёз къаратайыкъ!