Beşler
Yantayğan yerimde yaxşı oylaşıp qarayman. Ullu tamaşa!
Har cumanı har beşinçi günü – cumagün bola.
Cuma Muhammat payxammarnı, allayhi salatu wa ssalam, günü. Busurmanlarda har cumagün ullu gün sanala.
Har cumagün – cumanı beşinçi gününde mecitlerde cuma namaz qılına.
Russiya ülkede paçalıq qurumları cumada beş gün işley, eki gün yal ala.
Yılnı yay aylarında aslu halda ertenler sahat beş waqtide tañ belgisi biline.
Yılnı güz, qış aylarında axşamlar sahat beş waqtide güneş artılıp, markaça bola.
Qara dağı, har adamnı har qolunda wa ayağında beşer barmağı da bola.
Bir keren beşewge birew – bolup qalğan, – dey tirew.
Enni tergew berigiz! padişah boldu?
Qız: Neçe payxammar padişah boldu?
Alim: Beş payxammar boldu: Dawut, Yusup, Suleyman, Zulqarnay, Muhammat sal Allahu alayhi wa ssalam. Demek, padişahlar beş payxammar bolğan.
(Yüz suallı Malikanı xabarından)
Dağı da qarağız dağı bu işge!
Lap yaxşı oxuyğan yaşğa beş qıymat salalar.
Karxanalarda, fabriklerde, paçalıq qurumlarda, idaralarda işleygenler axşamlar sahat beşde iş günü bitip, işlerinden çığalar.
Qız: Neçe zat atası yoq turup, dünyağa geldi?
Alim: Beş zat geldi: Adam (payxammar) – bir, Hawa – eki, İsmayıl uçun qurban bolur gelgen qoçqar qoçqar – üç, Salih payxammarnı taşdan çıqğan tüyesi – dört, Musanı assası – beş.
Bir keren ağayım tepsidegi çudulanı sanap çığıp:
– Beşisi mağa, qalğan ekisi sağa, – dedi.
Bir başı buzuq özünü beş almasın eki buwma gertmege alışdırğan.
Beş de ekige beş de üçnü qoşsa neçe bolar? Bilip bol!
Günde beş namaz qılalar.
Beş sanawğa baylawlu dağı da ne yimik misallar geltirme bolaman? – dep oyğa batğan mühletde xonşum girip gelip, – Gelsene şeş-beş oynayıq! – dep böldü de qoydu.
Şolay yaşırtğın sırları bulanğı «beşleni» de qoyup, «altılağa» de göz qaratayıq!