1909 сес язывдан

Recorded by Gramophone Company; stored in British Library, National Sound Archive, International Music Collection

Гьая дюнья, пана дюнья Гьакъыллылар сени къоя, Гьакъылсызлар сагъа тоя, Гьая дюнья, пана дюнья.

Сен турмайсан гьеч бир гьалда, Малынг къалмай даим къолда, Халкъны къоймайсан тюз ёлда, Гьая дюнья, пана дюнья.

Нечелени алдатасан, Бир гюн бираз кюлетесен, Экинчи гюн йылатасан, Гьая дюнья, пана дюнья.

Даим оьзюнгню ойлатып, Оьзюнг учун бел байлатып, Динден оьзюнгню сайлатып, Алдатасан пана дюнья.

Сокъур этип, агьмакъ этип, Дин исламда акъсакъ этип, Арсанагъа юммакъ этип, Ойнатасан, пана дюнья

Нечелени явур этдинг Къыйнай туруп дабур этдинг Кёп-кёплени гавур этдинг Гьая дюнья, пана дюнья

Би-гьакъкъи-Ллагь риджалю-Ллагь Аъинуна би-ъауни-Ллагь