«Бу жылтны ичинде уьч китап бардыр…» деген китапгъа

﷽

Къазан тил булан^✻ язылгъан «Бозйигитни хабары» да бизин тилге айландырмагъа тийишли хабарлардан экени тезден берли эсибизде бар эди, буса да чолабыз да аз болмакъ саялы гьали олай затлагъа ерге^✻ етишген тюгюл эди. Аллагьу таъаля буюрса ергеси-езиги^✻ булан олай затланы да, оьзгелени де бизин тил булан язмагьа хыялыбыз бар. Амма Яхсайда бир-эки гишини далап этмагъы Бозйигитни хабары ергесиз арагъа сугъулмакъгъа себеп болду. Юз элли суаллы Маликаны хабары да хыйлы пайдасы бар хабар болмакъ учун, аны да таржума этип, экисин де бирче басмагъа салдыкъ. Бозйигитни йимик хабарларда эки пайда бола.

Аввалгъынчысы: булай хабарлар адамны табиатын назик эте, арив эте.

Экинчиси: булай хабарларда тергеген гишиге гьакъыллар бола. Аллагьу таъаля да Къуръанда Юсупну алайгьи ссалам Зулайха булангъы хабарын айтгъан сонг, «буланы хабарында да гьакъыллы гишилеге тергев бар» деген^✻. Булай затлар пайдасыз деп давчу болагъанлар такъсырны бизден гёрмесин, оьзюню табиатыны томакълыгъындан гёрсюн.

(Бу жылтны ичинде уьч китап бардыр: аввалгъынчысы — «Юз элли суаллы Маликаны хабары», экинчиси — «Бозйигитни хабары», уьчюнчюсю — «Гьатаму Таини хабары», Таржума этген — Абусупьян ибн ал-гьажи ал-маргьум ал-къади Акъай ад-Дагъыстани ал-Гъазаныши. Темирханшура, 1908 й., 2 б.)