«Китаб фи Илми-л-Гьисаб» китапгъа

بِسْمِ اللَّهِ الرَّحْمَٰنِ الرَّحِيمِ وَبِهِ نَسْتَعِينُ. الْحَمْدُ لِلَّهِ رَبِّ الْعَالَمِينَ. وَصَلَّى اللَّهُ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ أَجْمَعِينَ. أَمَّا بَعْدُ

Илму гьисаб^✻ — бизге гьар заман тарыкъ болагъан бек пайдалы бир илмудур. Севдюгерчиликде, тарака салмакъда^✻ илму гьисабсыз къыйынлыкъ булан ёлгъа гете. Тарыкълы болмакъдан башгъа да, яхшы инамлы китапларда — «илму гьисабны охуса, гиши итти пагьмулу да болур, гьакъыллы да болур» деп бар. Шону учун, алъякъдагъылар яшлагъа аввал илму гьисабны охуй болгъанлар. Аввал илму гьисаб булан табиат тутгъан гиши, бара-бара ялгъан айтмайгъан, герти сёзлю, амин гиши болмакълыгъы сынамакъ булан исбат этилгендир.

Бугюн де бизден оьзге гьар ерде илму гьисаб охула. Шолай бир илму бизде де юрюлмакълыгъын сююп, шу китапны яздыкъ..

Зая болмай, дин къардашларыбыз да алып къарап пайдасын гёрер бугьай деп умут этебиз…

Илму охутмагъа сюеген яшлагъа инг аввал гёрсетмели зат — гьисап илмудур. Амма гиччи яшлагъа аввал аз-аз тутуп, аста-аста, тынч кюй булан башламагъа герек…

(Темирханшура, 1905 й.)