Къумукъ Тил

Seslİ Sözlük

Til.im proyektni tağımı yañı qumuqça-orusça sözlüknü çığarawuna xoşbuz! Frazeologik sözlüknü Nurmuhammat Haciahmat professoru hazirledi, ondan qayrı Nurmuhammat ağay onu kämilleşdiriw bulan wa açıq çığarıw bulan kömek ete. Imkänlıqğa göre, qumuq cumlälağa tigişli bugüngü orus tilden cumlälanı berme qaray edik. Sözlük bek qujurlu bajarılğan, nege tügül artıq küyde qumuqlanı madani añnı görsete, wa qumuq madaniyatnı bulan har kim iştah bolağanğa cumlälanı tiziwün üyrenme bu sözlük yardımçıdır. Bugünge yerli bu proyekt barısıdan da ullu bolup çıqğan — texnikli hazirleniwge 8 ay getgen.

Bu sözlüknü çığıwu bulan biz bir yañılıq etdik: har cumlänı aytılağan küyüne tıñlama yaray. Halige yerli «A» harp baş bolağan barı cumlälar awazlanğan, wa yuwuq arada sözlüknü sawlay tawuşlu etmege qast eterbiz. Cumlälanı metinlerin Abdurrahman Nuray oxuğan, oğar bizden köp sawbol, wa siz sawbol aytmağa süysegiz, purşawsız onu Facebook sayfasında etip bola bilesiz.

Qumuq tildegi sözlerini aytılışın bilme köp adamlarda negeti bar edi, wa haliden soñ tilni üyrenme dağı da qujurlu wa tınç bolur! Qumuq tilde bir neçe şiweler (dialektler) de bar, birisi birisinden aytılış yaqdan da ayrı bolup. Abdurrahman — klassik Xasaw-yurt şiwesinde söylewçüdür, amma türlü şiwelerde de awazlaw etmege qast etme negetibiz bar. Şodan ixtilaflanı eşitip şiweleni teñleşdirmege oşaşsız imkänlıq bolur.

Har zamanda yimik biz sizin yorawlarığızğa wa tanqıtığızğa, wa dağı da, eger qumuq bir şiwede yaxşı wa mekenli söylep bola busağız, wa güç da zaman da bağışlama hazir busağız, tawuşuğuznu beregenigizge qaray turabız. «Sözlükler» bölmesinde sizin qarawullaybız!