Erewül yañırtıw
Bizin proyektibizde bugün bir ullu iş bolğan — Grav CMS'ğa (Content Management System, İçdelik Yürütüw Sistemge) göçüwü. Tarixibiz giççi wa har yañırtıw qol bulan etilegen statik sayfadan başlandı. Amma endi proyektibiz olay küyge artıq masştablı bolğan edi, wa yañı funksiyalanı wa içdelikleni çalt giyirmekni uçun sayfabızğa bir layıqlı SMS izleme tüşdü. Wa tiyişli CMS — Grav'dır. Endi Miller yasağan wa dostlu da, kepi gelegen de birçelik yürütegen, ol bizge aldıbızğa abat etme uçun bir ahamiyatlı qural bolup çıqğan, wa internet proyektler bulan barı maşğullağa onu qollama buwarabız.
Proyektni kodunu göçüwünde wa yañı funksiyalıqnı yasawunda bizge Norweçden Ole Vik wa Portugizden Ricardo yasawçuları bahası yoq yardım etgenler, wa şonu uçun olağa köp sawbol! Olar boluşmağan busa göçdürüw tek geçikmey dağı da heç kämil bolmajaq edi, çünki biz giyirme süygen funksiyalardan harisi hazır tügül edi.
Lap da erewlü yañılıqlardan şular:
- Saw sayfa (demek, sayt), kitaplanı metinlerinden qayrı, qumuq tilge göçürülgen edi.
- Barı qumuq metinleri kiril de latin de yazıw nizamı bulan açıqdır.
- Sayfanı dizayn wa tizim artıq tınç etilingen edi.
- Yañı "çat" bölme açılğan edi, wa onda, umut etebiz, tez arada tilge nemqoray tügül wa başğalağa da kömek etip bolağan ortaqçılar girerdir.
- Yañı maddalanı qoşuw küyü, ülgü uçun, kitaplanı wa maqalälanı, artıq tınç bolardır.
Sizin paydasına gölemi aldan artıq bolup işibizni uzatmağına xoşbuz. Söz arada, Ses bölmede bir neçe yañı maqalä wa kitapxanada yañı kitaplar endi açıq çığarılğan. Ortaq axtarıwğa sizin çaqırabız, Telegram kanalda sizge qarap turabız, wa çatğa girme unutmağız!