ТИЛЕВЛЕР

Яв, яв! Явлу къалач берирмен! Къуй, къуй! Къуймакъ къалач берирмен! Яв, яв! Къуй, къуй!

⁂

Яв-яв, яв-яв! Къатты хамур басаман, Явлу экмек этемен, Яшлагъа уьлешемен, Яв-яв, яв-яв!

⁂

Янгур, яв! Янгур, яв! Исси пилав, Сари яв!

⁂

Гюн, чыкъ, гюн, чыкъ! Арив къызынг алып чыкъ, Эрши къызынг Эшик артгъа салып чыкъ!

⁂

Оьгюз арба туварылгъанда яшлар, шону арышларына да минип, арбаны чюелегенинден кеп алып, булай айта болгъан:

Чюй-чюй, арба, чюй, арба, Чюелип гетсин бу арба, Душманлагъа от тюшсюн, Бизге будай кёп тюшсюн!

⁂

Майдан ерде от да ягъып, яшлар шат авазлар булан отну дёрт де ягъындан айлана туруп:

Магъа гелме, шайтангъа бар, Шайтанны кёп малы бар, Шайтан сагъа аш берир, Башынга урма таш берир! —

деп айтып, тютюн гелеген якъдан къачып, ёкъ якъгъа чыгъа болгьанлар.

⁂

Яшлар ювачаны къолуну уьстюне салып, учуруп, булай айталар:

Ювача, ювача, Душманлар къайда къача?

Ювача къайсы якъгъа учса, душманлар, сайки, о якъгъа кьача деп, инана болгъанлар.

⁂

Мияманы уясындан чыгъармакь учун яшлар булай айта болгъан:

Чыкъ, чыкъ, мияма! Атанг оьлсе, йылама! Къара агъачда къара байтал сойгъанман, Къанын сагъа къойгъанман, Чыкъ, чыкъ, мияма!

⁂

Къызлар оьзенде киринегенде, къолларын тутуп, дёгерек болуп туруп, шу сарынны айтып, сувгъа чомула болгъанлар:

Сув челек, сув челек Сувну ичинде гёбелек Гебелекни тутайыкъ, Сув челекге атайыкъ!

⁂

Киринип, сувдан чыкъгъанда сув опуракъларын гюнге тутуп, тез къуругъанны булай айталар:

Меники тез къурусун, Шайтанныки чирисин!

⁂

Къайырны ичине бир къолун сутъуп, бириси къолу булан ону уьстюнден ура туруп, булай айта болгъанлар:

Кёпюр бол, кёпюр бол, Кёпюр бол, кёпюр бол, Аш да, бишлакъ да берермен, Кёпюр бол!

⁂

Топ этеген кюй

Алдын топлар аз заманда яшлар язбашда гьайванны тюгю тёгюлеген вакътиде тюгюн алып, аясына салып, шулай айта туруп, ишып, топ эте болгъан:

Къаламан, къаламан, Къатты боламан! Къара сыйырны сютюн аламан, Сари сыйырны майын аламан, Къатты бол, Къатты болгъур къаламан!

⁂

Къарлыгъачны тилинден

Залди, залди, Залини малди, Гъанчи батыр, Хунца батыр, Кебиш, къувуш, Молла къувуш, Т-ти къи-и-ч…

⁂