Санавлар булан оюнлар

– Бир, эки?
– Къыр эчки.
– Уьч, дёрт?
– Шишип бёрт.
– Беш, алты?
– Баш къатты.
– Етти, сегиз?
– Ашгъа жегиз!
– Тогъуз, он?
– Агъач ён.
– Он, он бир?
– Инеге гир.
– Он эки?
– Къут беки.
– Он, он уьч?
– Муна гюч.
– Он, он дёрт?
– Уьйге ёрт.
– Он, он беш?
– Бар, оьчеш.
– Он алты?
– Таш атды.
– Он етти?
– Гюч етди.
– Он сегиз?
– «Гел» – дегиз.
– Он тогъуз?
– Сиз ёкъсуз.
– Йигирма?
– Къыдырма.

– Бирим, бирим.
– Бирим – тирим.
– Эким, эким.
– Эркин элим.
– Уьчюм, уьчюм.
– Гелди гючюм.
– Дёртюм, дёртюм.
– Дёртден, ёртдум.
– Бешим, бешим.
– Чачым эшдим.
– Алтым, алтым.
– Ёкъдур кантым.
– Еттим, еттим.
– Учуп гетдим.
– Сегиз, сегиз.
– Бизбиз, эгиз.
– Тогъуз, тогъуз.
– Чал чы къомуз.
– Онум, онум.
– Къайда тобум?

Бир залим
Эки баш.
– Бир башдан
Къолайдыр
Уьч баш,
Алты къаш.
– Авлия
Бош башгъа
Къапланлар
Къангып таш.

– Бармакълар?
– Ата бармакъ.
– Иман бармакъ?
– Оймакъ баш.
– Орта бармакъ?
– Оракъ баш.
– Сонггъу бармакъ?
– Солкъа баш.
– Чиначай?
– Инче яш.
Не этсе де,
Гиччи яш.
– Кампетге
– Ачар къаш!

– Баш бармагъы
– Иш башлар.
– Иман бармакъ?
– Иш ташлар.
– Орта бармакъ?
– Къоралар,
– Сонггъу бармакъ?
– Оралар.
– Чиначайынг?
– Къырсаяр.
– Барысы да
Бир болуп,
Юмурукъгъа
Къысылар.